Eerste Besoek
Wat om te verwag as jy vir die eerste keer 'n Gereformeerde erediens bywoon.
Die Erediens
Die erediens is eenvoudig van vorm, maar ryk van inhoud — geen produksie, geen skermvertoning. Die gemeente sing Psalms en Skrifberymings; die predikant lees uit die Skrif en preek daaruit. 'n Tipiese diens duur omtrent 'n uur, en die prediking staan sentraal. Kinders is hartlik welkom.
Wat Ons Glo
Die GKSA staan op die Drie Formuliere van Enigheid — die Nederlandse Geloofsbelydenis (1561), die Heidelbergse Kategismus (1563) en die Dordtse Leerreëls (1619). Dit is nie die kerk se eie woorde nie, maar die Skrif se leer saamgevat. Die Skrif alleen is gesaghebbend.